نظام مُصَمم على طريقة محلك، لمحلات الصيرفة والحوالات بالعراق وكوردستان
هذا مو بس برنامج.. هذا حارس فلوسك.
أحدث برنامج للصيرفة والحوالات بالعراق: خلّي الروتين علينا، وركّز على تطوير شغلك. زبونك ياخذ كشفه بنفسه من واتساب، ونقدك وأرصدتك وأرباحك الحقيقية تظل مضبوطة كل يوم، وتتابعها من موبايلك وين ما تكون ويا SarrafPro.
تسجّل الحركة بثواني، وكل الحسابات تتحدّث بنفس اللحظة.
البرنامج يبقى سريع حتى ويا عشرات الآلاف من الحركات.
اختصارات لوحة المفاتيح بنماذج التسجيل، حتى إيدك تبقى على الكيبورد.
آمن
بيانات كل محل منفصلة عن كل محل ثاني.
صلاحيات لكل موظف بكل صفحة، وكل تعديل ينشاف.
سجل أمان ما ينعدّل ولا ينمسح، وبياناتك إلها نسخة احتياطية كل يوم.
سهل
بالعربي والكوردي والإنكليزي، وعلى الموبايل والكمبيوتر.
احنا نجهّز محلك وندرّبك إنت وموظفينك.
كل شاشة مصمّمة لشغل الصيرفة والحوالات، مو برنامج محاسبة عام.
بياناتك بأمان
بياناتك محفوظة بأكثر من مكان. نام وإنت مرتاح البال.
SarrafPro يحفظ قيودك حتى لو انقطع الخط، وحساباتك محفوظة أونلاين، وبنسخة احتياطية يومية، وبملف تنزّله. لو انقطع الخط أو خرب جهاز، ولا شي يضيع.
ماكو إنترنت؟ كمّل شغلك عادي.
كل حركة تسجّلها تنحفظ على جهازك، ومن يرجع الخط تتزامن تلقائياً، بدون ما تعيد تكتب شي.
متصل
بدون إنترنت
تزامن تلقائياً
وين محفوظة بياناتك؟
النسخة الأصلية على السحابة
حساباتك محفوظة بقاعدة بيانات محمية على السحابة، وتتحدّث مع كل حركة.
نسخة احتياطية كل يوم
كل يوم تنحفظ نسخة احتياطية من بياناتك على السحابة، تلقائياً.
نسخة على كل جهاز بمحلك
ويا قراءة الحسابات بدون إنترنت (بالاحترافية، أو إضافة على الأساسية)، كل جهاز بالمحل عليه نسخة من حساباتك: آخر 60 يوم وكل الحركات المعلّقة، تشوفها بدون إنترنت.
نسخة مختومة عندك
صاحب المحل ينزّل ملف نسخة كاملة بأي وقت، مختوم من SarrafPro حتى أي تلاعب بيه ينكشف، ويفتحه على sarrafpro.app/backup.
شغل الدفاتر
إذا بعدك تسجّل شغلك بالدفاتر، أكيد مرّيت بهالمواقف.
إذا حسابات زباينك ضاعت، شكد ممكن تكلّفك؟ هذا مو تقصير منك، هذا اللي يصير لمن المحل يكبر على الدفتر.
01
حوالة قديمة
زبون يسألك عن حوالة قديمة، وتبقى تفتّش بين الدفاتر حتى تلگاها.
02
آخر اليوم
آخر اليوم، ترجع تحسب كل شي من البداية حتى تتأكد حساباتك مضبوطة.
03
كشوفات الحساب
كل يوم زبائن يطلبون كشوفات حساب، وإنت مشغول بالحوالات والصيرفة.
قيد واحد
سجّل الحركة مرة وحدة، وكل الحسابات تتحدّث وحدها.
من تسجّل حوالة أو تصريف أو إيداع، SarrafPro يحدّث الحسابات المرتبطة بالحركة تلقائياً، بدون ما ترجع تسجّل نفس المعلومات بأكثر من مكان.
حوالة صادرة جديدةجديدة
المرسل
أحمد كريم
الشريك
صرافة زاخو للحوالات
المستفيد
سرمد حسين
الوجهة
دهوك
المبلغ
1,000 USD
العمولة
10 USD
جرّبها: اضغط وشوف شنو يتحدّث.
رصيد الزبون · أحمد كريم
2,850 USD
بانتظار الحركة
رصيد الشريك · صرافة زاخو
17,000 USD
بانتظار الحركة
عمولتك على الحوالة
0 USD
بانتظار الحركة
ربح اليوم
1,230 USD
بانتظار الحركة
دفتر الأستاذكل رقم فوق إله أصل هنا
القيود تنكتب هنا من تسجّل الحركة.
أسماء وأرقام للتوضيح.
يوم بالمحل
البرنامج التقليدي يسجّل شغلك، وSarrafProيختصر عليك كل التعب.
تعرف شنو دا يصير بمحلك، وتوصل لأي حساب أو حوالة أو تقرير تحتاجه.
1تختار الزبون والعملة، وتحدد شراء لو بيع.
فيديو حقيقي من البرنامج على شركة تجريبية. الأسماء والأرقام للتوضيح.
حسابات الزبائن
تعرف شكد إلك وشكد عليك، بكل حساب وبكل عملة.
كل زبون إله حساب، وكل حساب إله رصيد منفصل بكل عملة، محدّث دائماً. بعد ما تحتاج تجمع صفحات حتى تجاوب على «شكد رصيدي؟».
زبونك يطلب كشف حسابه بالواتساب، ويرسله البرنامج إله تلقائياً.
الزبون اللي رقمه مسجّل عندك يراسل واتساب محلك، يختار اليوم أو آخر 7 أيام أو التواريخ اللي يريدها، ويوصله كشف PDF باسم محلك بالرصيد الافتتاحي والختامي لكل عملة.
وإشعارات توصل للزبون وحدها، من تسجّل:
إيداع بحسابه
سحب من حسابه
صفقة صرف
إلغاء حركة
الواتساب يشتغل من رقم واتساب بزنس الخاص بمحلك، واحنا نربطه إلك.
صيرفة النور
مرحباً بك في صيرفة النور. كيف يمكننا مساعدتك؟
كشف الحساب
كشف الحساب 10:41
اختر فترة الكشف:
تواريخ مخصصة
آخر 7 أيام 10:42
صيرفة النور
PDFكشف الحساب - أحمد كريم - 08/10/2026 - 14/10/2026
مرحبا أحمد كريم،
كشف حسابك آخر 7 أيام (من 08/10/2026 إلى 14/10/2026)
كل قيد ينحفظ أونلاين، وبالنسخة الاحتياطية اليومية، وبالملف اللي تنزّله، وويا قراءة الحسابات بدون إنترنت على أجهزتك هم. والقيد اللي تكتبه والإنترنت مقطوع ينحفظ ويوصل أول ما يرجع.
نرد عليك خلال 15 دقيقة، 7 أيام بالأسبوع
احنا وياك 7 أيام بالأسبوع، وأي سؤال نرد عليك خلال 15 دقيقة.
راحة البال والنتيجة خلال 7 أيام، أو الشهر الأول علينا
من يوم تسلّمنا قائمة حساباتك، خلال 7 أيام محلك يشتغل على SarrafPro: موظفينك يسجّلون شغلهم وأرصدتك مطابقة لقائمتك. إذا ما صار هالشي، الشهر الأول علينا.
بياناتك مقفولة على محلك
بيانات محلك منفصلة عن كل محل ثاني، وكل موظف يشوف بس اللي إنت تسمحله.
تدريب كامل لموظفينك
ندرّبك إنت وكل موظفينك تدريب كامل، لحد ما يشتغلون عليه براحتهم.
حلول مصمّمة لمحلك
نفصّل البرنامج على طريقة شغلك، ونصمّم حلول خاصة بمحلك.
الاشتراك
ثلاث باقات، وكل الأسعار قدّامك.
الأساسية لشغل محلك اليومي، والاحترافية لكل شي، والشركات والمكاتب اللي عدها فروع إلها باقتها. جرّبه 15 يوم أول، وبعدين اختار باقتك.
